تم إقفال مكتب السفريات travel pass holidays من قبل وزير السياحة بالشمع الاحمر بعد تلقي الكثير من الشكاوى.
وكتبت تانيا وهبي كامل عبر حسابها على “الفيسبوك”: “بدي خبر شو عملوا فينا travel pass holidays مكتب السفريات النصابين بامتياز! : طبعاً دفعت كل سفرتي كاش قبل شهرين من موعد السفر، الpackage بتتضمن حجز غرفتين بأوتيل ٦ ايام و تيكيت طيارة ونقل من وإلى المطار لخمس اشخاص(بينن ٣ اطفال) :
أوتيل مش مدفوع فإدارة الاوتيل قررت تسلمنا غرفة وحدة (خمس أشخاص بغرفة وحدة)، طبعا تواصلنا معن و طبعا وعدونا يدفعوا و بحقارة لا مثيل لها وبعد ضغط منا و من الاوتيل، دفعوا ١٠% من مجموع المبلغ، مقسمين، كل ليلة يدفعوا شوي واكيد بعد ما يكون الاوتيل سكرلنا الغرفة عالساعة ١٢ الضهر و منعنا نوصل لغراضنا، اضطرينا ندبر حالنا تنسكر الدفعات للأوتيل (اصحاب و قرايب من لخارج البلد ساعدونا)….ما خلص النصب بعد:
طيارة الرجعة علبنان مش محجوزة، عرفنا بهالشي نفس النهار!
ما رح كفي و رح خليكن تتخايلوا شو صار فينا…..travel pass باعنا قهر وبهدلة!”.
