بعد سلسلة من الخلافات والاتّهامات المتبادَلة على مواقع التواصل الاجتماعي إثر حدوث الطلاق بينهما، خرجت ريم طارق طليقة فنان المهرجانات حسن شاكوش في فيديو عبر حسابها الخاص في “فايسبوك” لتعلن انتهاء الخلافات التي نشبت بينهما خلال الشهور الماضية.
وقالت ريم في الفيديو: “الحمد لله… أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فحقهم على راسي وكل شيء قسمة ونصيب”.
من ناحيته، علّق شاكوش على اعتذار طليقته ريم طارق، وإشادتها به بعد حصولها على كل حقوقها الشرعية منه بعد الانفصال، بإعادة نشر الفيديو والتعليق عليه بالقول: “أنا أولاً بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ما صدر منك وأنا مكنش ليا أي رد فعل قدّام الناس ومش من تربيتي إني أشهّر ببنات الناس حتى لو رد على كلام يجرحني أو إساءة ليا”.
وأضاف: “مع إن ده كان مأثر عليّا نفسياً وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنالك كل خير في حياتك وأشوفك دايماً بخير”.
