رد محامي الثورة أيمن رعد عبر فايسبوك على نعيم قاسم
محامي الثورة يرد على نعيم قاسم
ما بعرف شو قصده بـ”المجتمع المدني”
أصلاً هو هيدا التعبير ما بعرف شو تعريفه عند اللبنانيين، لا سيما السياسيين منهم
بس مش هون القصة، هو قصده الثوار أو التغييرين
و عليه، جواب لنعيم و لكل السياسيين، و جواب كمان للناخبين المترددين:
نحن، بعكس المنظومة، ما منشتغل زبائنية سياسية
نحن، بعكس المنظومة، ما منشتغل أنه نحرم الناس من حقوقها عشان نرجع نقدمها لهم عبر مؤسساتنا تحت توصيف “خدمات”
نحن، بعكس المنظومة، ما جايين ندمر الدولة و مؤسساتها عشان نستبدلها بمؤسسات حزبية و خاصة
نحن، بعكس المنظومة، جايين نبني دولة تعطي الناس حقوقها البديهية عبر مؤسسات الدولة
حقوق مش خدمات
التعليم حق، الطبابة حق، السكن حق، الكهرباء حق، المياه حق، العيش الكريم و بكرامة حق
هيدي حقوق الإنسان البديهية، بس القصة أنه منظومة الفساد ما بتشوف المواطن كإنسان، وإنما رقم بصندوق الانتخابات و رقم ببازار التفاوض
